]size=18]وين نروحو نلقوهم قدامنا عييت نخمم علاش مالقيتش اجابة من نهار طيحناهم في التصفيات وتأهلنا على حسابهم للمونديال وهوما عقابنا ما ندري علاش؟؟
طيحتنا القرعة في كأس افريقيا مع مالاوي ومالي راحو يجرو من بين الافارقة كامل لعبو غير مع مالاوي ومالي ؟؟؟؟ زعمة ابطال افريقيا ومالاوي ومالي يطلعلهم المورال اذا لعبو مع الابطال ، طلعتولهم المورال ومبعد واش صرا؟؟؟
طيحتنا القرعة تاع المونديال مونديال الرجال طيحتنا مع لانجليز راحو يجرو لعبو ودي مع انجلترا مانعرف علاه؟؟ ماعييت نخمم وش يستفيدو من لعبهم مع لانجليز ماعرفتش؟؟ واحد مصري(في دبي سبور) قالهم لانجليز حابة تنظم مونديال 2022 وطلبت تلعب وديا مع مصر باش تكسب ود هاني ابو ريدة ويدعم ملفها؟؟؟ بصح ما نظنش انا بريطانيا كاملة مافيهاش واحد في الفيفا يدعم ملفها ؟؟؟ واحد اخر منطقي شوية قالهم المنتخب المصري راهو يجرب في روحو مع الكبار البطل الافريقي يقيس في مستواه مع الكبار ، صحا راكم عرفتو مستواكم مع الكبار ريحو شوية اتهناو ولا عجبتكم الطريحة ؟؟؟
قررنا حنا نلعبو مع المنتخب الاماراتي نقزو هوما قالك حابين يلعبو وديا مع الامارات ؟؟؟؟ هاذي لي ما دخلتش راسي انا وعلاش تلعبو مع الامارات زعمة تهيؤوهم يغلبونا ؟؟ نووورمال خلي يغلبونا خاوتنا الاماراتيين بصحتهم
هاذو الاسئلة حيروني والاجابة البسيطة لي لقيتها انو فريقنا حبة حلوى والحلوى دايما الحشرات والذبان يحب يكون قريب منها ولكن بإذن الله ما تصحلوش
[/size]